NIA, IA, LGU, NAGTIMPUYOG PARA ITI IRIGASYON

Working together. NIA, IA and LGU exemplifies unity in the temporary restoration of the main diversion canal in Brgy. Ipil, Tabuk City, Kalinga of the Upper Chico River Irrigation System (UCRIS) especially that crops are still in their vegetative/reproductive stages.#Photo by Arnold Ascueta Jr.

Panagdadangay, ken timpuyog nga maparisan iti panagkaykaysa ket isu ti maysa nga pamuspusan tapno maragpat ti balligi.

                Daytoy ket napaneknekan babaen ti impakita nga panagdadangay dagiti opisyales ken miembros ti nadumaduma nga irrigators association (IA) nga masakupan ti Upper Chico River Irrigation System/Kalinga IMO, dagiti empleyado ti NIA nga indauluan ni Division Manager Ronilio M. Cervantes, Engr. Noly Q. Sabado, Head ti O and M Section ken dagiti taga LGU Quezon Isabela nga indauluan nga mismo ni Hon. Mayor Jimmy S. Gamazon Jr .ken dagiti Barangay Captains, ket naballigi nga natambakan ti agregreggaay nga ‘embankment’ ti Main Diversion Canal (MDC) iti deppaar na ti Tabuk.

                September 24, 2019 alas 6:30 ti bigat idi agrubuat ti grupo ni Apo Mayor Jimmy S. Gamazon Jr. ken dagiti IA ti Quezon Isabela tapno mapan da tumulong nga ag ‘sandbag’ iti nasao nga agregreggaay nga paset ti MDC. Naglugan dagitoy ti 3 nga dumptruck ti municipyo ti Quezon nga nagserbi nga katulongan ti dumptruck ti NIA nga nagbunag ti materiales nga kasapulan.

                Sakbay na dayta, saan nga mapapigsa ti danum nga maipastrek ti MDC gapu iti daytoy nga sitwasyon ti MDC, ket apektado ngarud  ti panagpadanum dagiti adda iti baba iti irrigation system kas iti Quezon Area. Gapu iti daytoy, nagdesisyon ni Mayor Gamazon iti panakidanggay da nga mangobra ti pannakatambak ti nasao nga paset t MDC.

                Ket gapu iti regta ken kayat dan nga makapadanum dagiti nakipaset ti nasao nga panagobra, naballigi nga natambakan ti paset ti MDC nga agregreggaay. Ket iti pangaldaw, siraragsak nga nangsango dagiti nagobra ti pangaldaw nga imbalon ni Ms. Mercy T. Gamazon, ti mannakitinulong nga asawa ni Mayor Gamazon.

                Babaen daytoy nga bilang ti Tebteb ni Cordillera,ti opisyal nga pagiwarnak ti NIA-CAR maipeksa  iti napalaus nga panagyaman ti NIA kadagiti amin nga nakipaset iti nasao nga aktibidad nangruna iti LGU Quezon nga idauluan ni Mayor Gamazon. #Arnold Ascueta Sr.

Photo Caption: Working together. NIA, IA and LGU exemplify unity in the temporary restoration of the main diversion canal in Brgy. Ipil, Tabuk City, Kalinga of the Upper Chico River Irrigation System (UCRIS) especially that crops are still in their vegetative/reproductive stages.#Photo by Arnold Ascueta Jr.